Loader
डोण्ट लूज युवर माइण्ड लूज युवर वेट

डोण्ट लूज युवर माइण्ड लूज युवर वेट


Rs. 199 (सर्व कर समावेश)

Rs. 169 16% OFF

माहिती

  • लेखक ऋजुता दिवेकर

  • भाषा मराठी

  • आयएसबीएन १३ ९७८९३८०५१४०२४

  • पाने २२०

  • पुस्तकाचे स्वरूप छापील

  • प्रकाशित वर्ष 4 ऑक्टोबर 2009

  • प्रकाशक अमेय प्रकाशन

प्रस्तावना

"डाएट' हा शब्द आजकाल - झपाट्याने घटणारं वजन, खालावणारी प्रकृती, कमी होणारा उत्साह, बिघडणारं शारीरिक संतुलन आणि या सगळ्यांवर कडी म्हणजे सारासार विवेकाचं सुटत जाणारं भान- अशा भीतिदायक विचारांशी घट्ट जोडला गेला आहे. थोडक्यात सांगायचं तर "डाएट' हा शब्द कोणाही विचारी माणसाने उच्चारू नये असा अपशब्द झाला आहे. तुमचं डाएट- म्हणजे तुमचा आहार, हा तुम्ही आयुष्यभर जे आनंदाने खाऊ शकाल, त्याच्याशी कसा जुळणारा असला पाहिजे. तुमच्या मूळ प्रकृतीशी, आवडी-निवडींशी, तुमच्या सवयींशी, कामाच्या स्वरूपाशी त्याचा मेळ साधला गेला पाहिजे. तसं झालं तरच तुमचं डाएट तुमच्या बाबतीत तुम्हांला हवा तो "चमत्कार' घडवू शकतं. "डाएट' करण्यामागे फक्त वजन कमी करणं एवढाच मर्यादित उद्देश ठेवणं योग्य नाही. वजन- खरं तर चरबी- कमी करणं हा डाएटचा केवळ एकच चांगला परिणाम बहुतेकांना माहीत असतो; पण डाएट करण्याचे अन् त्या निमित्ताने आपली जीवनशैली बदलण्याचे अनेक फायदे असतात, हे त्यांना माहीत नसतं. ज्या डाएटचा उद्देश फक्त वजन कमी करणं हा असतो, ते डाएट फसलंच म्हणून समजा. हे म्हणजे चार दिवस एखाद्या खडतर परिक्रमेवर गेल्यासारखं आहे. बहुतेक डाएट्समध्ये इतके टोकाचे प्रकार सांगितलेले असतात की, ती डाएट्स पाळणं अशक्यच होतं; शिवाय त्यांचा तुमच्या शरीरावर आणि मनावर दुष्परिणाम होतो. तुमचं शरीर, अन्न आणि खाण्याची क्रिया यांकडे बघण्याची वेगळी दृष्टी हे पुस्तक तुम्हांला देईल. योग्य आहार आणि योग्य वेळी खाणं. यामुळे चरबी आपोआप कमी होते हे लक्षात ठेवा. एकदा का समजायला आणि आचरणात आणायला सोपी असलेली तत्त्वं तुम्ही पाळू लागलात की, दोन आठवड्यांतच त्याचे चांगले परिणाम दिसू लागतील. खाण्याविषयीची तुमची आंतरिक जाणीव अधिक वाढेल.
तुम्हांला झोप अधिक चांगली लागायला लागेल आणि अधिक उत्साही वाटायला लागेल. साधारण तीन महिन्यांत इतर दृश्य परिणाम दिसायला, घरातील कपडे सैल व्हायला लागतील. आपण आपोआपच अति खात नाही आहोत, कधी काय खावं ते आपल्याला नेमकं कळायला लागलं आहे, असं लक्षात येईल. एक प्रकारचा शांतपणा अनुभवाला येईल आणि सर्वांत महत्त्वाचं म्हणजे वजनाची चिंता करणं बंद झालंय असंही लक्षात येईल.

अभिप्राय

  • या वस्तूबद्दल शेरा/अभिप्राय उपलब्ध नाही. अभिप्राय लिहिणारे सर्वप्रथम व्हा.
शिपिंग बद्दल माहिती
  • लागू असलेल्या ऑर्डरवर फ्री शिपिंगचा आनंद घ्या:
    • पुण्यामध्ये 3०० पेक्षा अधिक किमतीच्या खरेदीवर
    • महाराष्ट्रात 500 पेक्षा अधिक किमतीच्या खरेदीवर
    • भारतात 1000 पेक्षा जास्त किमतीच्या खरेदीवर
  • सामान्यतः 4-5 व्यावसायिक दिवसात डिलेव्हरी होते
  • कॅश ऑन डिलिव्हरी सेवा उपलब्ध
आपल्यासाठी विशेष ऑफर
  1. ऑनलाइन ऑर्डर्सवर विशेष ऑफर
  2. पुस्तके आणि स्टेशनरीवर उत्कृष्ट सवलत मिळवा

डोण्ट लूज युवर माइण्ड लूज युवर वेट

डोण्ट लूज युवर माइण्ड लूज युवर वेट